Հայր Ֆետերիքօ Լոմպարտիի զեկոյցը` Կարտինալական ''ութեակ'' խորհուրդի երրորդ հադիպումի նիստերու մասին։

Չորեքշաբթի, 19 փետրուարի կէսօրին, Վատիկանի մամլոյ գրասենեակի տնօրէն` Հայր Ֆետերիքօ Լոմպարտի, լրագրողներու հետ ունեցած հանդիպումի ըթացքին յայտնեց թէ ''կարտինալական ''ութեակ'' խորհուրդի երրորդ հադիպումի նիստերը կը շարունակուին եւ թէ վերջ պիտի գտնեն 19 փետրուարի երեկոյեան''։
Հայր Լոմպարտի ակնարկեց խորհուրդի ունեցած հանդիպումներուն` Սուրբ Աթոռի տնտեսական եւ վարչական հարցերը ուսումնասիրող յանձնախումբին հետ ինչպէս նաեւ Վատիկանի Դրամատան` ԵՈՐ-ի քննիչ յանձնախումբին հետ։ Ան ապա մատնանշեց թէ չորեքշաբթի յետմիջօրէին Կարտինալական ''ութեակ'' խորհուրդը հանդիպում պիտի ունենայ 15 կարտինալներէ բաղկացած Վատիկանի տնտեսական հարցերով զբաղող յանձնախումբին հետ։
Վատիկանի մամլոյ գրասենեակի տնօրէնը հուսկ տեղեկացուց թէ ''ութեակ'' խորհուրդը իր աշխատանքները պիտի շարունակէ երկու հանգրուաններով` առաջինը յառաջիկայ ապրիլ ամսուայ ընթացքին, 28 – 30 ապրիլ, Յովհաննէս Պօղոս Բ եւ Յովհհաննէս ԻԳ քահանայապետներու սրբադասումի արարողութենէն ետք, իսկ երկրորդը յուլիս 1էն 4։ Այս` -ըսաւ Հայր Լոմպարտին – կը նշանակէ թէ խորհուրդը վերջնական եզրակացութիւններու չէ յանգած եւ թէ տարուած աշխատանքը խորացումներու կարօտ է։
Հայր Ֆետերիքօ Լոմպարտին ապա անդրադարձաւ կարտինալական ժողովին որ տեղի պիտի ունենայ 20 եւ 21 փետրուարին Ֆրանչիսկոս Քահանայապետի նախագահութեամբ եւ որուն ընթացքին պիտի զեկուցուի ''ընտանիքի'' նիւթին մասին։